धनुषाको क्षिरेश्वरनाथ नगरपलिकाका नगर  प्रमुख सुकदेव यादबले  आफुहरुलाई बिपक्षी पार्टीले सहयोग नगरेको जनाएका छन्  । नगरपालिकामा  पत्रकार सम्मेलन गर्दै बिपक्षी कांग्रेसको कारण  दशैंको मुखमा खाता संचालन नभएको कारण  कर्मचारीलाई तलब खुवाउन समेत बाधा गरेको जनाएका छन्  ।

हाल खातामा  पैसा  नभएकाले  बजेट भएर पनि  नगरपलिकाको दैनिक कामकाजमा प्रत्यक्ष असर परेको बताएका छन्  ।

आर्थिक ठप्पताले नगरपालिकाको फोहोर उठाउन देखि ईन्टरनेटको बिल तिर्न समेत गार्हो भएको बताए ।
जितेर आइसके पछि पार्टी भन्दा समग्र नगरपालिकाको प्रतिनिधित्व हुनु पर्नेमा त्यस्तो व्यबहार बिपक्षीले नगरेको प्रती दुखेसो ब्यक्त गरेका छन् ।

त्यस्तै नगरपालिकाका प्रशासकीय प्रमुख कन्हैया मिश्रले राजनीति खिचातानिमा कर्मचारीलाई पार्न नहुने बताएका छन्  ।

कर्मचारीको जिबिकोपार्जन नै तलब भएको हुँदा यसमा ध्यान दिन आग्रह गरे ।

यता , करारका कर्मचारीको स्थापनको बिषयमा  केही करारका  कर्मचारी नगरपालिकाका कामकाजमा  अयोग्य  रहेकाले त्यस्ता कर्मचारी  राख्न नसक्ने जनाएका छन् ।