धनुषाको महेन्द्रनगरमा  पशु शाखाको जन प्रतिनिधि सरोकार र पत्रकार- मेडियासँगको अन्तरक्रिया कार्यक्रम  सप्पन्न भएको छ । शुक्रबार नगर प्रमुख सुकदेब यादवको अतिथ्यता तथा जिल्ला पशु अस्पताल धनुषाका प्रमुख सन्जिव कुमार ठाकुरको विशिष्ट अतिथ्यतामा कार्यक्रम सम्पन्न भएको छ ।
जिल्लाका विभिन्न भेगमा देखिएको लम्पिस्कीन नामक रोगले पारेको असर र रोग निवारणमा भएको प्रगतीको समिक्षा सहित कार्यक्रम सप्पन्न भएको छ ।

कार्यक्रममा बोल्दै   जिल्ला पशु अस्पतालका प्रमुख ठाकुरले  गतवर्ष लम्पिस्किन रोग भयावह रुपमा फैलिएको तर हाल नियन्त्रणमा रहेको जनाएका छन्  । प्रमुख झाले यस्ता रोगबाट किसान आफैं समयमा सचेत हुँदा रोक नियन्त्रण गर्न ठूलो टेवा पुग्ने बताएका छन्  ।महमारीको बेला  कर्मचारीले घर घरमा गएर सुइ भ्याक्सिन लगाइ रोग न्यूनिकरण गरेको  बताए । जस्तो सुकै अबस्थामा पनि जिल्लाका पशु कार्यालय सेवा दिन तत्पर रहेको उनले बताए ।

यता , नगर प्रमुख सुखदेब यादबले लम्पिस्किनको रोग लाग्दा आफूले सो बखत तत्काल रु १० लाख छुटाएको बताएका छन्  ।बिपत्ति ब्यबस्थापनको रकम कटौती गरेर मवेसिलाई छुट्टाएको नगर प्रमुख यादवले  बताए ।

कार्यक्रममा बोल्दै पशु शाखा क्षिरेश्वरनाथका प्रमुख  बिष्णु देब यादबले समय समयमा नगरपलिकाले  बजेट न दिदा र कर्मचारी नथप्दा काम गर्न गाह्रो भएको जनाएका छन्  ।एक जनाले पुरै नगरपालिका पुग्न कठिन हुँदा नगरपलिकाका प्रतेक वार्डमा शाखा राख्नु पर्ने बताए ।

कार्यक्रममा विभिन्न वार्डका वार्ड अध्यक्ष ,वार्ड  सदस्य ,पलिकाका कर्मचारी  ,बुद्धिजीवी लगाएत विभिन्न मेडियाका पत्रकारको उपस्थिति रहेको थियो ।