धनुषा महेन्द्रनगर डेस्क ,बैशाख  २२/धनुषाको क्षिरेश्वरनाथ -५ ,महेन्द्रनगर स्थित रहेको दुग्ध्मती पोखरीमा स्नान  गृहको शिलान्यास  गरिएको छ । शुक्रवार नगर प्रमुख सुख देब यादवले प्राचीन मिथिलाको  श्रद्धा बोकेको  दुग्धमती पोखरी किनारमा  रु १० लाखको लागतमा एक कोठे स्नान गृहको शिलान्यास गरेका हुन्  ।

विभिन्न समयमा स्नान गर्न आउने भक्तजन तथा श्रद्धालुलाई  परेको समस्यालाई मध्ये नजर गर्दै नगरपालिकाले उक्त भवनको निर्माण गर्न लागेको नगर प्रमुख यादबले बताए । उनले भवनको रेख देखको अभिभारा नगरपालिकाको रहेकोले भवन बने पश्चात्  कुनै किसिमको लथालिङ्ग अबस्था नहुने जिकिर गरे ।

खुल्ला क्षेत्रमा नुहाउने बेलामा  खास गरि महिलालाई  असजिलो पर्ने गरेकाले भवन निर्माण भए पश्चात् यो समस्या नहुने स्थानियको भनाइ रहेको छ  । भवन करिब १ महिनामा तयारि हुने समितीका अध्यक्षले जानकारी दिए

शिलान्यास कार्यक्रममा नगर प्रमुख  सुखदेब यादव ,प्रमुख प्रशासकीय अधिकृत राम उदगार अधिकारी ,इन्जिनियर इन्द्रेश यादवसहित  स्थानीय बुद्धिजीवी र युवाहरू सहभागिता रहेको थियो ।