न्यूज अफ नेसन जेष्ठ -४ ।धनुषाको महेन्द्रनगर स्थित रहेको नेपाली सेनाको ब्यारेक श्री श्रीनाथ गणको बिदाइ  र श्री बिष्णुदल गणको स्वागत  गरिएको छ । शुक्रबार एक कार्यक्रम बिच क्षिरेश्वरनाथका नगर प्रमुख सुखदेब यादबले मायाको चिनो सहित  बिदाइ  र स्वागत गरेका हुन्  ।
करिब २ वर्षको कार्यकालमा धनुषा सहित महेन्द्रनगरको बिकास निर्माण तथा शान्ती सुरक्षामा सेनाको  योगदानको  कदर  गर्दै बिदाइ  कार्यक्रम गरेको नगर प्रमुख सुकदेव यादबले जनाएका छन्  ।

कार्यक्रममा मन्तब राख्दै श्री श्री नाथ गणका गणपति सुरेश  देवकोटाले आफूलाइ नगरमा बिरानो हुन नदिई परिवारिक माहोलमा राख्नु भएकोमा धन्यवाद ब्यक्त गरे ।उनले सेनाले नागरिकको  सुरक्षा सदैव ध्यान दिने गरेको र नगर  क्षेत्र भित्र  सकेको सहयोग गरेको जनाए ।

त्यस्तै नव् आगन्तु बिष्णुदल गणका प्रमुख  बिक्रम थापाले  सेनाले सकेको सहयोग हरेक क्षेत्रबाट गर्ने बताउदै रास्ट्र सेवामा  सेना हरदम तयार  रहेको बताए

यता ,महेन्द्रनगरमा २ वर्ष  रहेको श्री श्री नाथ गण भने  रसुवामा पुगेक छ ।

कार्यक्रममा नेकपा एमालेका नगर अध्यक्ष अनिल चौधरी , प्रदेश  सदस्य महेन्द्र यादब ,पेट्रोल डिलर एसोसिएसन धनुषाका  वरिष्ठ उपाध्यक्ष  ललित साह ,  वार्ड ६ का अध्यक्ष  बिनोद गुप्ता , सशस्त्र प्रहरीका निरीक्षक   ,  नेपाल प्रहरी सइ  सहित  सामजिक अभियन्ता सितेश झा  लगाएतको सहभागीता रहेको थियो ।