धनुषा जिल्ला ट्राफिक प्रहरीले धनुषामा दुर्घटनाको संख्या अन्य बर्ष भन्दा कम भएको  जनाएको छ ।आज  आइतबार जिल्ला स्थित ट्राफिक प्रहरी कार्यालय परिसरमा भएको पत्रकार सम्मेलनमा उक्त जानकारी दिइएको हो ।

ट्राफिक प्रहरीले जारी गरेको तथ्यांकअनुसार मानबिय क्षती तुलनात्मक रुपमा घटेको देखाएको छ ।जस अन्तर्गत श्रावनमा १ जना र भाद्रमा  ४ जना गरि ५ जनाको मृत्यु भएको छ  ।यस  मृत्यु दर अघिल्लो मृत्यु दर भन्दा करिब ६४  प्रतिशतले कमि हो ।

त्यस्तै ट्राफिक कार्बाही अन्तर्गत २०८१-८२ को ४ महिनामा ८सय २९ जना कार्बाहीमा परेका छन्। जरिवाना तर्फ २०८०-०८१ मा रु २,३४,५१,५०१ रहेकोमा  २०८१-८२मा  ४ महिनामा हाल सम्म   रु ९१,९२,५०० जरिवाना  गरिएको जिल्ला ट्रफिक इन्स्पेक्टर हरि बहादुर ओलिले  जानकारी दिए ।

यस्तो छ ट्राफिक प्रहरीको तथ्यांक

सवारी दुर्घटना परि मृत्यु हुनेमा जनकपुरधाम उपमहानगरपालिकामा ११ जना,मिथिलामा -१९ जना  धनुषाधाम नगरपालिकामा ११ जना, लक्ष्मिनिया गाउँपालिकामा ६ जना, सबैला नगरपालिकामा ५ जना, विदेह नगरपालिकामा ५ जना, क्षिरेश्वरनाथ नगरपालिकामा ४ जना रहेका छन्  भने बटेश्वरमा २ जना रहेका छन्  ।

धनुषा जिल्लाभरीमा यसअघि आर्थिक वर्ष २०७९÷०८०मा ८४ जना र आर्थिक वर्ष २०७८÷०७९मा १ सय ५ जना र २०८०-०८१ मा ७४ जनाको सवारी दुर्घटनामा परेर मृत्यु भएको तथ्यांकमा उल्लेखित छ ।