महेन्द्रनगर न्यूज डेस्क ,मंसिर १४/

धनुषाको  क्षिरेश्वरनाथ नगरपालिका वडा नं ३ स्थित पकडियामा   नेपाली  सेनाको  एक दिने   स्वास्थ्य शिबिर सम्पन्न भएको छ ।

महेन्द्रनगर स्थिति श्री विष्णुदल गणले  स्थानिय श्री समता राष्ट्रिय प्राथमिक बिद्यालयको प्राङ्गणमा स्वास्थ्य शिविर  सञ्चालन गरेको हो ।शिबिरमा करिब  ३ सय जनाले स्वास्थ्य सेवा लिएको नेपाली सेनाले जनाएको छ । सेवा लिन क्षिरेश्वरनाथ सहित बटेश्वर गाँउपलिकाका सर्वसाधारणको उपस्थिति रहेको थियो । शिबिरमा  सेनाका चिकित्सकद्वारा बिरामीको चेकजाँच गरिएको थियो भने औषधि समेत बितरण गरिएको थियो ।

सेनाले विभिन्न समयमा आर्थिक अबस्थाले कमजोर र असहाय बस्तीमा शिबिर गरि सेवा प्रदान गर्दै आएको छ ।

स्वास्थ्य शिविरमा नगर प्रमुख  सुखदेब यादव ,नेपाली सेनाका नंं २७ का वाहिनीका वाहिनीपति  सुरेश  हमाल ,श्री विष्णुदल गणका गणपति प्रमुख सेनानी प्रभुराम महत र स्थानिय वार्डअध्यक्ष लगाएत स्थानिय जनप्रतिनिधिको सहभागीता रहेको थियो ।